«shavkat mirziyoyev» tegli maqolalar
Shavkat Mirziyoyev bir qator xorijiy TIV rahbarlarini qabul qildi
Prezident Shavkat Mirziyoyev Toshkentdagi xalqaro konferensiya dasturi doirasida Rossiya, Hindiston, Qozog‘iston, Turkmaniston, Tojikiston tashqi ishlar vazirlari hamda Yevropa Ittifoqining tashqi ishlar va xavfsizlik siyosati bo‘yicha Oliy vakilini qabul qildi.
O‘zbekiston vaksinatsiya sertifikatlarini o‘zaro tan olish taklifini ilgari surdi
Shavkat Mirziyoyev Toshkentda o‘tayotgan xalqaro anjumanda Markaziy va Janubiy Osiyo davlatlari hamkorligini rivojlantirishga, jumladan, iqtisodiy aloqalarni kengaytirish bo‘yicha yillik forum o‘tkazish, xavfsiz transport-logistika infratuzilmasini yaratish, giyohvandlikka qarshi qo‘shma harakatlar rejasini ishlab chiqishga oid takliflarni bildirdi. Qolaversa, vaksinatsiya bo‘yicha o‘zaro tan olingan sertifikatlar asosida «Yangi sharoitdagi turizm» konsepsiyasini joriy etish zarurligi aytildi.
Shavkat Mirziyoyev har yili savdo-iqtisodiy hamkorlik bo‘yicha mintaqalararo forum o‘tkazish taklifini bildirdi
Prezident Shavkat Mirziyoyev Toshkent shahrida bo‘lib o‘tayotgan xalqaro konferensiyada nutq so‘zladi. Davlat rahbari har yili savdo-iqtisodiy hamkorlik, kooperatsiya va investitsiyaviy aloqalar bo‘yicha forumni o‘tkazish, Markaziy va Janubiy Osiyon turoperatorlarining yagona platformasini shakllantirish, olim va tadqiqotchilar uchun yengillashtirilgan viza tartibini joriy qilish kabi tashabbuslarini ilgari surdi.
Pokiston bosh vaziri afg‘on muammosini hal qilishga Turkiyani jalb etish taklifini bildirdi
Pokiston bosh vaziri Imron Xon Toshkentda bo‘lib o‘tgan brifingda Turkiyani Afg‘oniston mojarosini hal etishga jalb qilish hamda Afg‘oniston qo‘shnilari sammitini o‘tkazish taklifini bildirdi.
O‘zbekiston va Pokiston strategik sheriklik to‘g‘risidagi Qo‘shma deklaratsiyani imzoladi
Shavkat Mirziyoyev va Imron Xon O‘zbekiston va Pokiston o‘rtasida strategik sheriklik aloqalarini o‘rnatish to‘g‘risidagi Qo‘shma deklaratsiyani imzoladi. Shuningdek, tranzit va savdo to‘g‘risidagi hamda ishbilarmonlar va sayyohlar uchun viza tartiblarini soddalashtirish to‘g‘risida hukumatlararo bitimlar, qolaversa, 500 mln dollarlik kelishuvlar ham imzolandi.
Shavkat Mirziyoyev Ashraf G‘ani bilan uchrashdi
O‘zbekiston prezidenti Shavkat Mirziyoyev va Afg‘oniston rahbari Ashraf G‘ani Toshkentdagi uchrashuvda afg‘on mojarosini harbiy yo‘l bilan hal qilishning imkoni yo‘qligi ta’kidlandi. Shavkat Mirziyoyev O‘zbekiston Afg‘onistonda barqaror tinchlikka erishilishiga faol ko‘maklashishga tayyorligini tasdiqladi.
Shavkat Mirziyoyev Xitoy tashqi ishlar vazirini qabul qildi
O‘zbekiston prezidenti Xitoy tashqi ishlar vaziri Van Ini qabul qildi. Uchrashuvda Afg‘onistondagi vaziyat yuzasidan fikr almashilgan.
Afg‘oniston va Pokiston yetakchilari O‘zbekistonga keladi
15−16 iyul kunlari Afg‘oniston prezidenti Ashraf G‘ani va Pokiston Bosh vaziri Imron Xon tashrif bilan O‘zbekistonda bo‘ladi. Shavkat Mirziyoyev bir qator mamlakatlar tashqi ishlar vazirlari bilan ikki tomonlama uchrashuvlar o‘tkazishi rejalashtirilgan. Shuningdek, shu hafta qator hududlarda nasos stansiyalarini modernizatsiya qilish yuzasidan yig‘ilish o‘tkaziladi.
Olimpiya zaxiralari kollejlariga qabul qilishda gender tenglikka doir tamoyillar ta’minlanadi
Shavkat Mirziyoyev Olimpiya zaxiralari kollejlarining Paralimpiya sport bo‘limlariga yuborilgan sportchilar uchun qo‘shimcha 10 foizgacha kvota ajratish, shuningdek ushbu bo‘limlarda ota-onalardan o‘quv to‘lovlarini undirish tartibini bekor qilish to‘g‘risida ko‘rsatma berdi. Qizlar uchun kvotani ko‘paytirish orqali Xalqaro olimpiya qo‘mitasining gender tenglikka doir tamoyillari ta’minlanadi.
Toshkentdagi qishloq xo‘jaligi texnikalari zavodlari Chirchiqda tashkil etiladigan klasterga ko‘chiriladi
Toshkentdagi qishloq xo‘jaligi texnikalari zavodlari va «O‘zKlaas Agro» Chirchiqqa ko‘chirilib, sanoat klasteri usulida yagona maydonda joylashtiriladi. Klasterni tashkil etishga 500 milliard so‘m ajratiladi. Bu mablag‘ tarmoq korxonalarining bino-inshootlari va maydonlari auksion savdolarida sotilishi hisobidan qaytariladi.
Shavkat Mirziyoyev va Emomali Rahmon Afg‘oniston bilan chegaralarni himoya qilishni kuchaytirish to‘g‘risida kelishib oldilar
Shavkat Mirziyoyev va Emomali Rahmon mintaqada Afg‘oniston yo‘nalishidagi ahvolning yomonlashishi va keskinlikning kuchayishi bilan bog‘liq vaziyatning rivojlanishini muhokama qildilar. Tomonlar Afg‘oniston bilan chegarani qo‘riqlashni kuchaytirishda kuch ishlatar tuzilmalar va huquqni muhofaza qilish idoralari o‘rtasidagi hamkorlikni yanada muvofiqlashtirishga tayyorligini tasdiqladilar.
Shavkat Mirziyoyev shu hafta BMT Bosh Assambleyasi 75-sessiyasi raisi bilan uchrashadi
Prezident Shavkat Mirziyoyev shu hafta BMT Bosh Assambleyasi 75-sessiyasi raisi Volkan Bozkir bilan uchrashadi. Bundan tashqari, qishloq xo‘jaligi mashinasozligi korxonalarining transformatsiyasi yuzasidan taqdimot va Olimpiya zaxiralarini tayyorlash tizimini takomillashtirish yuzasidan yig‘ilish rejalashtirilgan.
Yarim yilda qariyb 500 ta davlat mulki 1,1 trln so‘mga sotildi
O‘zbekistonda shu yilning birinchi yarmida 478 ta davlat mulki 1,1 trln so‘mga sotildi. Prezident videoselektorda sotilishi belgilangan 288 ta mulk savdolarga chiqarilmaganini tanqid qildi. Qolaversa, davlat korxonalari va banklari ixtiyoridagi ularning faoliyatiga xos bo‘lmagan 511 ta obyekt haligacha sotilmasdan turgani aytildi.
Shavkat Mirziyoyev haykallar oldida noma’qul harakatlar qilgan tiktokerlarni tanqid qildi
Prezident Alisher Navoiy, Amir Temur, Motamsaro ona haykallari yonida ayrim tiktokerlar tomonidan sodir etilgan noma’qul harakatlar uni ranjitganini aytib, ularni tanqid qildi. «Bu bolalarning ota-onasi, bobo-momolari, o‘qituvchi va muallimlari¸ qolaversa, mahalla-ko‘y, yoshlar bilan ishlaydigan mas’ul mutasaddilar qayerga qarayapti?», — dedi u. Qolaversa, bu kabi huquqbuzarlik uchun jazo choralari yanada kuchaytirilishi ma’lum qilindi.
Xorijdagi iqtidorli yoshlarni vatanga qaytarish bo‘yicha yangi tizim joriy etiladi
Prezident xorijdagi o‘zbek yoshlarini qaytarish uchun yangi tizim yaratilishini qayd etdi. «Yuksak bilim va malakaga ega yoshlarimizni Vatanimizga kelib ishlashi uchun barcha sharoitlarni yaratib beramiz», — dedi u. Ular rahbarlik lavozimlariga asosiy nomzod sifatida ko‘riladi, uy-joy va munosib maosh bilan ta’minlanadi.
Yangi o‘quv yilidan ta’lim krediti 14 foizda 7 yilga beriladi — prezident
O‘zbekiston prezidenti yoshlar bilan uchrashuvda yangi o‘quv yilidan boshlab ta’lim krediti 14 foizda 7 yilga berilishini ma’lum qildi. Shuningdek, «Temir daftar»ga kiritilgan oilalarning farzandlariga OTMda o‘qishning birinchi yili uchun kontrakt byudjetdan to‘lab berilishi aytildi.
Faol yoshlar deputat va senatorlarga biriktiriladi
Prezident O‘zbekiston yoshlari va talabalari forumida faol yoshlar yuqori va quyi palata a’zolariga biriktirilishi, mahalliy kengashlarda ham yoshlar parlamenti tashkil etilishini ma’lum qildi. «Ushbu tizim asosida siyosiy yetuk va faol yosh yigit-qizlar parlament va mahalliy kengashlar faoliyatiga yanada kengroq jalb etamiz», — dedi u.
«Men vatanimga kerakligimni his qildim». Prezident «Yoshlar daftari» orqali o‘z ishini boshlagan qizga xonadon sovg‘a qildi
Prezident Shavkat Mirziyoyev «Yoshlar daftari» orqali kredit olib, o‘z ishini boshlagan qizga maktub yo‘lladi. Davlat rahbari maktubida Aziza va uning onasiga 3 xonali uy berilishini ma’lum qildi.
Markaziy Osiyo davlatlari rahbarlarining Maslahat uchrashuvi Turkmanistonda bo‘lib o‘tadi
Shavkat Mirziyoyev va Turkmaniston prezidenti Gurbanguli Berdimuhamedovning telefon orqali suhbati bo‘lib o‘tdi. Yetakchilar Markaziy Osiyo davlatlari rahbarlarining navbatdagi Maslahat uchrashuvi Turkmanistonda bo‘lib o‘tishini hamda Afg‘onistondagi harbiy-siyosiy vaziyatni muhoqama qildilar.
Shavkat Mirziyoyev Turkiya vitse-prezidenti bilan uchrashdi
Prezident Shavkat Mirziyoyev Turkiya vitse-prezidenti Fuat Oktayni qabul qildi. Tomonlar Toshkentda bo‘lib o‘tadigan Strategik hamkorlik kengashi yig‘ilishiga tayyorgarliklar masalalarini muhokama qilishdi.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonda chorva hayvonlarini identifikatsiya qilish rejalashtirilmoqda
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
- 23-sentabrdan ipoteka kreditlari bo‘yicha subsidiyalar uchun arizalar qabul qilish boshlanadi
Qo‘shimcha imkoniyatlarga ega bulish uchun saytda ro‘yxatdan o‘ting